相信對於火鍋控黎講
呢座大廈一定唔會陌生啦
如果想輕鬆上到間餐廳
可能您要早D黎食啦
否則等LIFT都等左您15分鐘
加上夜晚7點半前食埋單有折
早D食又平又沒咁多人
食飽又可以早D消化先訓
呢間養心殿
高樓大廈入面坐窗口位
好似係D好高級的餐廳景咁
加上入面好靚的宮庭裝修
仲有一樣我覺得係好好的
係呢間的光線好夠
所以呢食物望落去都好新鮮
個雙種味覺刺激叫左酸菜白肉鍋同養心鍋啦
養心鍋我見有魚有雞有藥材
好香的藥材味 不過如果唔喜歡藥材的就唔好叫啦
酸菜白肉酸酸甜甜好岩女仔食
不過我叫左碟細的手切牛同埋霜降牛
如果落落個酸菜湯底到會有酸菜味
所以我建議食酸菜湯底唔好叫牛
應該落魚就會好好食
牛的話落養心or養生湯底就會更加好食
另外一讚就係個台灣A菜
初頭話無哂
但後尾又有返
我覺得好有菜味 好香
但如果朋友仔唔中意食濃味的
就唔好食啦
之後仲叫左D招牌好食的丸
丸的種類有好多
我個人最中意就係個黑松露丸啦
仲有麻辣餃子都好好食
之後仲叫左個聖子皇
超級新鮮好食
仲有如果有朋友仔覺得食食下想要醬油的話
要自己出去加
