緣味小聚 (LADDER Dundas) (已結業)

好多方面都好差，完全同呢度既評分相反。首先套餐價錢有好多附加費，計算方法好複雜，好似簽緊電訊合約，各種費用計落都唔平，例如有假期附加費。海鮮質素麻麻，尤其元貝overcook左，咬落好似食緊擦子膠。海蝦亦好唔新鮮，見到隻蝦有的發黑，感覺發霉。最差既係從來無侍應幫我換碟，食到後面隻碟裝滿海鮮殼都無人換碟。食食下仲聞到間餐廳有好大陣煙味，侍應又不斷chur我地加料。真係好差，後來唔夠飽番屋企食杯麵算。