🥓 鹽燒西班牙五花腩肥瘦分明，燒得香脆，鹽味啱啱好，唔會搶走豬味。
🐙 泰式燒墨魚鬚微辣帶酸，口感彈牙，個醬幾醒胃。
🍍 港式蜜糖燒菠蘿燒到微焦，甜中帶小酸，童年味道即刻返晒嚟。
🍗 鹽燒雞腿肉肉汁豐富，唔乾，穩陣之選。
🥚 紫菜鵪鶉蛋卷細細件但幾有趣，蛋香配紫菜，口感層次唔錯。
🍢 免治雞肉棒配日本蛋雞肉夠嫩，蛋汁一撈落去即刻升級，好滿足。
🧀 芝士年糕外脆內煙韌，有碟煉奶點，鹹甜鹹甜咁，邪惡但我鐘意。
🥩 鹽燒和牛牛小排肉味濃，油脂香，唔使多講。
🦀 蟹粉豆苗清新一筆，無諗過喺串燒店度可以見到佢，好開心。
🍠 日式淮山，估唔到依個食法係咁好食。
🍤 蝦多士炸得香脆，唔油，蝦膠夠厚。
🦐 墨魚滑＋紫菜＋大蝦係創意之作，口感豐富。
🍞 焦糖菠蘿鵝肝醬多士甜鹹交錯，幾有驚喜。
🐟 九肚魚鹹香好夠味又日唔腥。
🍋 百香果檸檬茶酸甜清爽。
成晚食得開心，但勝在夠玩味，價錢親民，仲可以睇住佢地燒，個場氣氛熱鬧，成班上黎飯局都可以。
📝人生有限杯串燒店
📍銅鑼灣登龍街28號
#人生有限杯 #串燒 #高質 #銅鑼灣 #銅鑼灣美食 #香港美食 #foodiehk
