花楽 (北京道1號) (已結業)

最近去左北京道一號新開既日本菜【花楽】，餐廳難得主打有清酒bar同每日都有駐場bartender，而且可以睇到維港，非常chill。 日本麵豉黑豚肉鍋：非常多新鮮蔬菜，豚肉都多、肥瘦適中。湯底用左日本麵豉，唔會太鹹。蔬菜吸曬麵豉湯精華，好正，而且豚肉好嫩滑。 燒賣甲羅燒：松葉蟹蟹膏搭配三文魚籽、鵪鶉蛋黃同葱燒熟，配埋麵包、非常濃海鮮味道。旁邊燒賣係蟹籽配飯。好特別 海老野菜天婦羅盛合：分量超大，無諗過有禁多樣食材。包括3隻蝦、茄子、冬菇、秋葵、番薯、南瓜同素麵。新鮮炸起，好熱辣辣！蔬菜全部裏面都好juicy外面香脆。蝦好鮮甜，非常推薦。 花樂卷：芝士青瓜卷上面放6款唔同topping，包括帶子、三文魚、吞拿魚、八爪魚、泡菜同吞拿魚蓉。其實idea幾特別，不過入面個cream cheese味道太濃，有D蓋過其他食材。一般般。