好味來正宗重慶美食 (已結業)

今日同仔仔行The One 影下小王子後，有dd 口痕想食個 tea, 涼涼地想食d 辣野，但仔仔又唔食得辣，係條街到行下行下見到呢間好味來，有麻辣串，又有餃子岩哂，即入去啦！先來叫左個雙拼餃比仔仔先 ，有3款選擇~玉米香菇， 韭菜豬肉和白菜，而仔仔最後選擇玉米香菇拼韭菜豬肉。 落單後見佢在後面枱拎起就入去煮，我八卦望到，原來佢地係一路係到包緊架，夠哂新鮮，煮完出來皮夠薄，入面d 韭菜豬肉又好味，仔仔一口起食左5隻。我先分到3隻來食。我期待的麻辣串小辣， 我叫左豆腐乾，韭菜，牛展， 牛柏葉，豬大腸，金錢肚。麻味幾出， 可能我叫小辣，所以唔夠辣，下次來可以食中辣一定仲正。仔仔睇餐牌發現有玫瑰花冰粉，我們就叫兩碗來食， 呢到的冰粉好出色，除左加左糖外，有玫瑰花，花生碎和芝麻，食落好香好特別。