呢間餐廳位置都好易搵 喺天悅廣場後一條街
門口見到魚缸啲海鮮好新鮮呀
椰子雞煲
呢度嘅雞煲用左清遠雞
湯底淨係椰青水同椰肉 所以好清完全冇味精
阿姐教滾水落雞十秒熄火浸八分鐘就食得
超級清甜超級滑呀
手切新鮮肥牛
打邊爐點可以冇牛呀
叫左碟中size份量都幾多 牛味都幾濃
南非鮑魚
見佢魚缸啲鮑魚又新鮮又大隻就叫左兩隻打邊爐
真係好巨型手掌心咁大 58蚊隻真係抵食
鮮蝦雲吞
一睇外型就知係自家製
材料好簡單就係豬肉同蝦 勝在蝦肉爽口
食左咁多肉都要食番啲菜
叫左菜籃 粟米同黑木耳 份量好足又唔貴
另外仲叫左個黃金豆腐
食落即係椒鹽豆腐 好香口
呢度免加一 淨係每位10蚊醬芥同一碟花生
所以都真係幾抵食 會再嚟幫襯
