牛気 (雅蘭中心)

营业中

休息中

之前幫襯過另一間分店，不過無左了。呢間個嘢食位好大，即係食物，份量不少啦！只壽司款式都算多，仲有我最愛玉子蛋。個中式湯算ok喎，無味精，但淡左少少。熱葷都係最經典炸物，但佢有個鮮奶流心炸物，好味呀！蒜蓉包，麥樂雞，款式好多。台式腸又係my faovur，個茄子好入味，又夠甜。點心都有。沙律款式多，都係大路得黎最緊要啱口味。仲有長腳蟹，唔太好，但有，無理由唔食啫，打卡都要啦！而甜品款色好多呀！雖然好普通，但每款試一半，都飽到呢....cake一般，始終入貨都係淡味嘢。但個栗子撻唔錯。同埋椰汁椰子肉好香呀！呢款甜品就真係無乜地方見過，正。另一個提子唔知啫哩定係蒟蒻，都好好味。食lunch百零蚊，每款食少少都好夠飽，好在無打埋邊爐啫。係服務差少少，聽到佢同客對話麻麻地有禮貌。