小時光 (已結業)

認識咗小時光都有成兩三年喇，一直想去，但係都苦無藉口同埋機會，今日喺好友L君嘅驅使底下卒之第一次嚟咗喇，入面嘅陳設果然充滿台灣嘅感覺，好有台北忠孝東路後面嘅放牛班嘅風味，可惜我執筆之時搜尋咗一下放牛班，原來佢已經結業了，宜家只能夠喺小時光回味一番。第一次黎叫咗佢地個招牌菜套餐，有魯肉飯，滷水小食同埋美祿恐龍。半肥瘦既魯肉味道同台灣嘅路邊攤嗰啲古早味一樣咁好食，可惜魯肉同飯嘅比例爭少少，如果多啲魯肉就好喇，滷水小食方面都係幫襯返我哋本土嘅潮州鹵水比較似樣啲，美祿恐龍爆發香濃既美祿味，無得輸啦。見年過三十既侍應姐姐都有着住校服既，略嫌有啲重口味。