甜姨姨私房甜品 (清風街)

营业中

休息中

上星期食完晚飯，老表話想食甜品，講起呢間甜姨姨甜品店，話想食格仔餅城堡，咁就揸車過去試吓。去到唔駛等位，可能因為係星期日夜晚既關係。跟住我哋就淨係叫咗一份格仔餅城堡，兩個人share。嘢食到咗，周圍既人都望過嚟，因為個城堡真係大得有啲誇張。我哋兩個事不宜遲，即刻試吓。味道真係唔錯。佢將啲烘好嘅麵包切成一粒粒，食起上泥好方便。再加埋雲呢拿同花生味雪糕，好特別！雖然埋單$98蚊，但兩個人share都ok啦！翻食指數有8/10。