魚眾不同酸菜魚 (啟德一號) (已結業)

啟德站開通咗，方便左去搵個朋友，順便參觀下佢屋企😍，上屋企之前搵餐廳食個晏。真心啟德一號餐廳極少，我地原本都好鍾意食魚🐟，食辣🌶️好在有間我地都啱食既餐廳。坐低二話不說快睇menu，雖然佢都有好多唔同選擇，但我地都係食返至愛既水煮魚。🥘金湯酸菜鱸魚(海帶，窩筍，跟米線)一上枱已經好想飲個湯，食酸菜魚最正就可以飲埋個湯，酸辣適中怡人，海帶多到好似米線咁🤤跟本唔使點食個米線都好飽，米線唔會整好太軟身，For你擺埋落湯會浸軟既時間。🥘麻辣鱸魚(萵筍，豆腐皮，跟飯)職員話呢個好辣，無辣不歡既一定要試，幾鍾意呢到d麻，真心麻到飲野都冇左味😆但又唔會辛苦個種，總之麻辣得好舒服，成碗野連d青蔥蒜頭都比我啜埋，鱸魚超滑，啖啖肉，萵筍同豆腐皮索哂d汁，飯粒都係粒粒分明，唔會一舊舊，可以整左個麻辣湯飯出黎。🧉 利賓納咸梳打特飲咸咸甜甜咁，解辣一流。🫖 凍檸茶走甜野飲正正常常，檸茶走甜個茶膽整得唔錯，係我鍾意既味道。而家好多餐廳茶膽都好濁。🪑餐廳坐位都好闊落，有魚鱗佈置，好得意，有𨋢上落，門口直入沒有梯級，真心方便輪椅人士，仲有電動窗簾，坐窗邊又怕曬，叫職員幫你閂窗簾，完全唔會影響到進餐。