影片
更多
2016-02-01
934 浏览
榮式燒雞扒，行過，聽過，見過好多次，從來未有緣份一試。從來餐廳夠膽獨沽一味，打正旗號賣燒雞扒，今日就要嚟試吓。 餐廳燈光柔和，似西餐廳多過茶餐廳，坐位闊落舒適。牆上一幅馬賽克砌嘅雞，藝術得嚟又切合餐廳主題。 餐牌好似好多選擇，其實主要分幾大類，放湯嘅麵、烏冬、檬粉，同撈麵、烏冬，飯有咖喱同葱油豉油汁，再配各式肉類。 榮式雞豬扒飯$51雞扒賣相比較乾爽乾淨，最怕一啲餐廳淋啲黑椒汁燒汁，又肥膩又唔健康。雞扒皮緊緻，唔會油淋淋，雞肉沾滿黑椒粒，而且本身醃得夠味，無添加梳打粉等化學品，食落有咬口，肉質JUICY,配上黑椒嘅微辣口感，愈食愈想食。豬扒用香茅薑葱腌過，煎得乾身，無多餘油份，，肉汁鎖住喺入面，一入口香茅味濃郁，配埋碟邊嘅炸菜同葱油再撈飯食，揉合中式燒味同西式扒餐嘅滋味，比豆腐火腩飯更有佬味，唯一可惜係飯量略少，有啲意猶未盡。 榮式雞扒撈丁配道地極品烏龍茶$48雞扒撈丁嘅雞扒，一樣嘅做法，雞扒處理得乾爽唔油膩，鹹香嘅雞扒配撈滿麻油葱油炸菜嘅一丁麵，又係令人胃口大開，飽足感比食飯有過之而無不及。 喜歡日本菜，因為每
榮式燒雞扒，行過，聽過，見過好多次，從來未有緣份一試。從來餐廳夠膽獨沽一味，打正旗號賣燒雞扒，今日就要嚟試吓。
餐廳燈光柔和，似西餐廳多過茶餐廳，坐位闊落舒適。牆上一幅馬賽克砌嘅雞，藝術得嚟又切合餐廳主題。
餐牌好似好多選擇，其實主要分幾大類，放湯嘅麵、烏冬、檬粉，同撈麵、烏冬，飯有咖喱同葱油豉油汁，再配各式肉類。
榮式雞扒豬扒飯
$51
82 浏览
0 赞好
0 留言
榮式雞豬扒飯$51
雞扒賣相比較乾爽乾淨，最怕一啲餐廳淋啲黑椒汁燒汁，又肥膩又唔健康。雞扒皮緊緻，唔會油淋淋，雞肉沾滿黑椒粒，而且本身醃得夠味，無添加梳打粉等化學品，食落有咬口，肉質JUICY,配上黑椒嘅微辣口感，愈食愈想食。
豬扒用香茅薑葱腌過，煎得乾身，無多餘油份，，肉汁鎖住喺入面，一入口香茅味濃郁，配埋碟邊嘅炸菜同葱油再撈飯食，揉合中式燒味同西式扒餐嘅滋味，比豆腐火腩飯更有佬味，唯一可惜係飯量略少，有啲意猶未盡。
榮式雞扒撈丁
$48
136 浏览
0 赞好
0 留言
榮式雞扒撈丁配道地極品烏龍茶$48
雞扒撈丁嘅雞扒，一樣嘅做法，雞扒處理得乾爽唔油膩，鹹香嘅雞扒配撈滿麻油葱油炸菜嘅一丁麵，又係令人胃口大開，飽足感比食飯有過之而無不及。
喜歡日本菜，因為每間日本食肆只會集中做一兩款食物，專注做一兩樣招牌菜，探求極致嘅烹飪技術，唔似中國人開餐館，周身刀無張利。今日只集中試燒雞扒，果然係箇中專家，無令我失望，希望下次可以試吓其他食品，有無雞扒一樣咁出色。
张贴
