平民扒房@友蠔食

其實本身今日本身想去另一間餐廳，但係full左小弟即刻搵另一間餐廳補飛
掃一掃附近餐廳，搵到依間平民扒房@友蠔食，即刻俾個名吸引左餐廳既名真係幾重要，一睇到依間餐廳既名已經表達哂係有扒同生蠔食，仲要係走平民路線我地依啲小小小平民梗係要去反支持下啲平民餐廳啦

餐廳門口已經話哂俾你聽入面有啲咩食睇完就覺得都真係幾親民價

餐廳食物價格雖然走平民路線，但裝修同裝飾物都配撘得相當有格調
餐廳位置唔太多，大概十六位左右
喺牛頭下面係一啲圍裙，等你食野果時唔怕整污漕件靚衫

一去到每人都会送一碗餐湯俾你，依個係蘑菇忌廉湯，將蘑菇攪爛哂雖然講唔上好香濃，但都合格既

生蠔夠新鮮，價錢相當抵食

$198

嗌左依個生蠔set,幾抵食$198有一打
依個生蠔set用既係南非生蠔namibia
保持反一贯南非生蠔既creamy口感而且都好新鮮，生蠔上枱時你用叉督下距個群邊仲係識收縮

200g澳洲和牛，$148,其實都已經相當抵食

$148

嗌左個澳洲禾牛200g
雖然無講明係m幾既和牛，但係肉質鮮嫩，切果時無血水流出，解凍功夫做得幾好

幫你拆埋殼既龍蝦蚶，岩哂我依啲懶人😁😁

$101

龍蝦意粉用波士顿龍蝦蚶拆殼，夠哂方便，唔使自已拆加上飛魚子同三文魚子，成個意粉多左一種爽脆既口感調味方面醬汁都好濃厚既龍蝦汁味
再順提一提，侍應既服務都好有質素，一去到都已經好詳細甘介紹有咩食，亦好照顧食客既需要更加貼心既係侍應仲会不時提醒客人，外出既交通情況，(可因為香港最近假期既交通情況比較混亂 )其實甘既服務質素依家好多酒店都做唔到，好驚喜可以喺小店遇到