川滿居 (京都廣場)

营业中

休息中

一間人情味爆燈嘅餐廳。先講講侍應嘅服務，非常有線，不斷問我哋要唔要加水，仲話我哋可以坐幾耐都得，只要我哋可以享受今晚一齊傾偈就可以。真係好開心，可以嚟到一間又正，食物又好食，喺銅鑼灣嘅餐廳。好，先講吓食物先，用手機自助落單，好清晰方便。有頭盤，例如口水雞，夫妻肺片，木耳，皮蛋。如果係大班人share，可以食酸菜魚，水煮魚，水煮牛肉，仲有小炒，例如麻婆豆腐，咕嚕肉，三杯雞，全部送飯一流！我哋叫咗一個麻辣煲，陪五種小食，可以揀辣到，又可以揀多油，多辣，適合唔同嘅人。我哋揀咗羊肉，薯粉，全部選擇都好好味。仲有另外40幾款嘢食可以俾你選擇，真係食乜都得！