影片
更多
2010-06-17
22 浏览
以志雲大師的佛偈開頭，只因這兩句話套在和味館，真的腰中要害。 自新蒲崗年代已像食迷般跟隨它三遷四徙，和味館館主螺仔有點丐廚FEEL，有料到無輪，但總是低調處理，只有與他黃酒幾杯，飲到HIGH HIGH地，先會失驚無神又整幾味好嘢過你。早輪幫襯他在深水埗的店子，店名無變，但總見不到他的身影，食物質素一落千丈，完全不像是和味館的出品，吃完一肚氣離開。錢不是一回事，quota給浪費了才氣結。 足之被逼離棄和味館。那天朋友來電說在土瓜灣又見新的和味館影蹤，並告知螺仔早已離開深水埗那間和味館，如今另起爐灶。原來之前幫襯時他已離巢，怪不得出品上不了大枱。 接報後馬上即晚去試，果見螺仔坐鎮，這晚試了他的新出品，客家鹹雞湯圓，第一次食鹹湯圓，初初覺得很抗拒，但朋友勸放膽去試，一吃就停不了，雞湯底，配菜是蘿蔔絲、唐芹、魚鬆、鹹雞，清甜又鮮味，湯圓煙韌軟糯，有米香，配以雞湯，另有鮮甜，可用精彩兩字去形容。 另一精彩新作是東莞沙民香草焗蟹餅，蟹羔夠多，雞蛋夠香，最回味是加了金不換，香到無命，我的朋友爭著吃，一碟吃完，覺得不夠喉，又到連叫第二碟，膽固醇超標也置之不理，因為實在太好
自新蒲崗年代已像食迷般跟隨它三遷四徙，和味館館主螺仔有點丐廚FEEL，有料到無輪，但總是低調處理，只有與他黃酒幾杯，飲到HIGH HIGH地，先會失驚無神又整幾味好嘢過你。早輪幫襯他在深水埗的店子，店名無變，但總見不到他的身影，食物質素一落千丈，完全不像是和味館的出品，吃完一肚氣離開。錢不是一回事，quota給浪費了才氣結。
足之被逼離棄和味館。那天朋友來電說在土瓜灣又見新的和味館影蹤，並告知螺仔早已離開深水埗那間和味館，如今另起爐灶。原來之前幫襯時他已離巢，怪不得出品上不了大枱。
接報後馬上即晚去試，果見螺仔坐鎮，這晚試了他的新出品，客家鹹雞湯圓，第一次食鹹湯圓，初初覺得很抗拒，但朋友勸放膽去試，一吃就停不了，雞湯底，配菜是蘿蔔絲、唐芹、魚鬆、鹹雞，清甜又鮮味，湯圓煙韌軟糯，有米香，配以雞湯，另有鮮甜，可用精彩兩字去形容。
另一精彩新作是東莞沙民香草焗蟹餅，蟹羔夠多，雞蛋夠香，最回味是加了金不換，香到無命，我的朋友爭著吃，一碟吃完，覺得不夠喉，又到連叫第二碟，膽固醇超標也置之不理，因為實在太好味。
樟茶鴨說是港式，不是川式，這便挑起食慾。川式一早在其他食肆食過，老實講，一點也不值得推介，肉柴皮兼乾身，只有煙薰香味而已。但寫菜的阿姐瞓身推介，拍心口話一定好食，班朋友耳仔軟，就話試吓啦﹗足之都無失望。港式樟茶鴨經過改良，皮脆，肉質軟而有豐富肉汁，煙薰味夠香，真係當堂寫個服字俾佢。螺仔話每晚準備20隻，賣哂就算，班FRIEND話下次都係打定電話嚟預訂定一隻穩陣。
呢晚仲食咗豉油王蝦，螺仔話係用大孖豉油，豉油味夠香，蝦夠入味，泡油功夫到家，無炸死隻蝦，食落肉汁標出來，唔讚唔得﹗另外港式蠔餅話明港式，即係唔落蕃薯粉，食落脆口，但油太勁，雖有落多些辣椒醬襯住食，這才無咁膩。墨魚咀，一貫水準，無失場。成晚都食得開心又放心，食完志雲大師那句真的假不了一直在腦中。
张贴