影片
更多
2016-09-05
6410 浏览
今日，我家大小姐正日生日我地成班兄弟姊妹同佢食飯慶祝搵食呢個重任當然又係落左係我呢個胃食肥妹身上😂5月份既時候朋友生日 我第一次食倫哥我及所有朋友食左之後都讚口不絕咁今次我係openrice 搵食 係搜尋到打'倫哥' 竟然比我發現原來倫哥係佐敦係有分店呢個時候 我二話不說即book 位令我覺得好方便既係可以以Wtsapp 中央訂位的觀塘及佐敦分店均可訂位之後佢地會再Wtsapp CFM 訂位而係wtapp同我溝通既人亦好帶禮貌同交帶👍🏻倫哥私房菜佐敦店比起觀塘分店更方便一上左地鐵站行過去 一分鐘就唔洗就到而一出廣場口 會見到大大個招牌係對面非常方便我地book左8:15pm 全場滿座非常熱鬧但無可否認 佐敦店地方比起觀塘店壓逼感大d因為地方無工廠咁大 枱亦放得密D又係話明私房菜咁即係我地唔洗叫 'un un腳' 坐係到比人服侍啦係等期間 我地其實好肚餓個到有自助頭盤比我任食個黑木耳又真係整得唔差酸酸咸咸 非常惹味 食密後覺得好開胃我地7個人前後拎左10碟 清哂等左等 上左雞煲，豬皮、牛扒葉及由魚到有位好nice 既待應姐姐Karen 過黎講解雞煲需每隔2分鐘要撈一次 共4次係撈第二次可
我地成班兄弟姊妹同佢食飯慶祝
搵食呢個重任當然又係落左係我呢個胃食肥妹身上😂
5月份既時候朋友生日 我第一次食倫哥
我及所有朋友食左之後都讚口不絕
咁今次我係openrice 搵食 係搜尋到打'倫哥'
竟然比我發現原來倫哥係佐敦係有分店
呢個時候 我二話不說即book 位
令我覺得好方便既係可以以Wtsapp 中央訂位的
觀塘及佐敦分店均可訂位
之後佢地會再Wtsapp CFM 訂位
而係wtapp同我溝通既人亦好帶禮貌同交帶👍🏻
倫哥私房菜佐敦店比起觀塘分店更方便一上左地鐵站行過去 一分鐘就唔洗就到
而一出廣場口 會見到大大個招牌係對面
非常方便
我地book左8:15pm 全場滿座非常熱鬧
但無可否認 佐敦店地方比起觀塘店壓逼感大d
因為地方無工廠咁大 枱亦放得密D
又係話明私房菜
咁即係我地唔洗叫 'un un腳' 坐係到比人服侍啦
係等期間 我地其實好肚餓
個到有自助頭盤比我任食
個黑木耳又真係整得唔差
酸酸咸咸 非常惹味 食密後覺得好開胃
我地7個人前後拎左10碟 清哂
等左等 上左雞煲，豬皮、牛扒葉及由魚到有位好nice 既待應姐姐Karen 過黎講解
雞煲需每隔2分鐘要撈一次 共4次
係撈第二次可以落埋豬皮、牛扒葉及魷魚落去一齊炒
係我做第三次炒雞既動作時
Karen 過黎幫我手炒雞
我同佢講有人生日 有無咩優惠
佢好攪笑地 同家姐講左句生日快樂 但無優惠
我地成枱人都笑左
好喇 炒左4次 終於食得 由於朋友係全完唔食得辣
第一次叫食唔辣既雞煲
味道亦非常惹味 帶點'麻'既味道
雞件亦啖啖肉 唔係雞頭雞尾👍🏻
肉與亦好軟滑 一流👍🏻
亦一齊煮既豬皮 吸哂雞汁精華 好食到我地叫左三碟😅
而牛扒葉同魷魚唔係唔好食 但相比下 真係輸左半個馬尾🤔
食食下 Karen 無啦啦行過黎同我地講岩岩佢去左安排 我地可以用生日優惠價 $1食到會地得獎菜式'冰鎮涼瓜'一入，聽到係得獎 緊係想試下係咩料子啦，我地即時say yes
過左無耐 涼瓜到
涼瓜食落口感覺甜甜地，慢慢食落去苦甘味慢慢浸出黎
以冰鎮住，涼瓜非常清涼 夏日炎炎
呢個不失為一個好透心涼既前菜
係同時間 原個西瓜汁黎到係呢個炎炎夏季
打邊爐配西瓜汁完全係完美配搭
唯一一樣野 美中不足 就係西瓜汁唔係凍既
如果係凍西瓜汁 成件事完美無瑕
西瓜汁每人一個 如額外追加, 每個$8.
超級低食~~
過左一陣我地食哂雞煲 轉火鍋打邊爐我地本身想加$30 轉龍蝦湯底
但好可惜 賣哂😭😭😭😭😭😭
我地就轉返蟹湯
蟹湯除左蟹外 仲用左栗米、西瓜等等配料一齊煲湯本身味道比軟清淡 帶點鮮味
好值得一讚 呢隻蟹絕無欺場
真係大大隻 唔係比d雞野我地
蟹肉非常鮮甜 及爽口
家姐們食到大舉母指👍🏻
係呢個時候 我突然醒起好似有d蒸既食品未上我多口問待應哥哥'毛毛'，
毛毛即刻幫我地check 單 ，發覺原來漏左單後急不及待有禮貌同我地講唔好意思
以及即時幫我地去安排返食物
過左陣上左鮑魚同蒸聖子
鮑魚炆得好'林', 啖啖肉
蒜蓉蒸聖子,聖子時間蒸處剛好,無蒸過龍
蒜味重, 又帶鮮味，
爽口, 正~~
重頭戲到喇是日精選海鮮拼盤
所有海鮮都好新鮮
蝦同桂妃蚌非常爽口鮮甜
除桂妃蚌同元貝外
其他海鮮係任食item, 唔夠可以再order
蝦同蜆我地都叫左3轉
本地手切牛頸脊2個人就有一碟
食落去牛味好重
但呢個牛唔係任食, 如要追加,每碟需額外付$30
其他打邊爐配料亦好豐富 味道亦有水準當中有個千島醬丸 以及 年糕丸 真係非常出色
個個食左都讚不絕口
成台都係正野食..
鍾意打邊爐食烏冬既我, 當然最後一定要食啦鳥冬口感彈牙
而個湯底吸收哂咁多美食既精華
鮮味十足
食落口會食到好濃郁既魚味, 海鮮鮮味以及栗米既甜味
呢個配搭大家一定要試
到最後.... 因為個湯太正我地清到落底
實在太誇張... 太開心
7個人賣埋$2100請埋家姐, 每人都係$350...
以呢個食物質料...呢個價錢...實在太超值
題外話
想食既朋友, 緊記要訂位... 倫哥基本上長期都FULL
店只收現金, 所以食前請禁定錢
店係免收切餅費, 係一個好好既慶生地點 (但由於雪櫃SIZE有限, 唔好買D 2層高既CAKE 佢唔會幫到我地雪..LOL)
另外, Karen 同毛毛好值得一讚, 2位都好helpful同friendly... good
好高興, 今餐大家非常滿意我安排
大家都覺得好食以及好低食~
仲話會推介身邊人黎試下...
好滿足既一個晚上
张贴
