靚靚 不一樣的車仔麵

营业中

休息中

一間食左好多年既車仔麵，同時都係天下聞名既Poly學生飯堂之一既靚靚車仔麵，好懷念既味道！今日叫左特式燒黑毛豬叉燒，但係有少少韌，燒汁就好夠味，燒得都幾香，我最鍾意既係墨魚餅，煎得勁香又好有墨魚味，份量係極多，建議可以share食，最後一餸就簡左牛筋，都有驚喜，好夠稔，充滿骨膠原既牛筋入口即溶，好正！湯底係清湯加少少腩汁同埋小辣，配米粉食好夾！靚靚車仔麵真係有好多比較少見既餸可以簡，次次都唔知點簡好，份量又大，真係好抵食，值得推介！