武士拉麵 (已結業)

話就話呢樣係happy friday，不過有啲唔舒服，想簡簡單單食個晚餐，早啲返屋企休息，於是去咗觀塘嘅武士拉麵開餐，冇訂枱，亦都唔使輪候。睇個店名以為淨係得麵食，但除咗麵之外，亦都有飯，怕食麵唔夠飽嘅話，可以叫飯。呢晚揀咗真田將軍拉麵，係豬軟骨拉麵，麵條、麵質揀咗店長推薦嘅組合，口感果然唔錯，軟硬適中，恰到好處，整個麵嘅亮點，當然係塊豬軟骨，非常大塊，煮得好林，亦都好入味，咁大條豬軟骨，大抵可以補充好多骨膠原吧！流心蛋名副其實。只是湯底略嫌鹹咗少少，否則呢碗麵就完美了。另外加咗個唐揚炸雞，一客共有七件，大小剛好一口一件。外層炸得香脆，點些醬汁更加開胃。