韓珍 (帝國中心) (已結業)

老公其實係熱愛韓國，今年無得去賞櫻甘只好去由韓國人主理的餐廳食韓燒頂住先餐廳老闆在場又好熱情跟我們介紹有咩正野食，落單後，餐廳店員奉上開胃韓式前菜，蛋餅都係送既，每枱都有，煎得很香口，未有得食燒肉，食下蛋餅暖胃先。我們叫了八方美人套餐，套餐一共有八款新鮮肉肉，包括雪花牛、牛舌、護心肉、豬頸肉、豬頰肉和醬油雞肉，還有大蝦同鮮鮑魚。鮑魚味道鮮甜又大隻，虎蝦肉質結實彈牙，仲有蝦膏，正。護心肉很結實，肉味濃，雪花牛肉唔洗講無得輸，入口已經感到油花及肉很夾，牛舌和豬頸肉都唔錯，燒耐的仲脆口，配埋餐廳提供的三款醬汁，更惹味。老闆見到我們逐樣燒，就幫下我們，話佢地韓國人食燒烤中意成盤都係，港人習慣了肉，菜，海鮮分開燒，店員很忙碌，老闆間唔中都會幫手，親切有禮。不過要留意，他們識好少廣東話，主要韓文，英文，都溝通到既。仲有想補下身，叫埋鮑魚人參雞湯，無錯鮑魚滋陰，人參雞補氣，一上枱就大大煲，仲有米飯，一定飽。雞肉很嫩，用的都係細雞，骨都好軟，仲有蛋絲，糯米，栗子，紅棗，人參，加上少少淮鹽，肉很鮮，湯很甜，非常飽暖的一餐。