影片
更多
2018-12-17
602 浏览
朋友介紹大角咀有間酒店打邊爐好正，酒店入別都好大面打邊爐又真係未試過，仲要話好好味咁，仲可以食到真正本地生產嘅騸牯牛，一日只會有十幾隻推出市場。講到咁難得就一定要去試吓。湯底我就揀咗豬骨味，因為用真正豬骨煲成，所以飲完都唔覺口渴。加少少黑芝麻同鮑魚菌做配菜就已經好夠味。經理今日話今日返咗藍龍蝦，藍龍蝦個樣同波士頓龍蝦好似，不過睇真少少會見到蝦殼係有層深藍色，食落分別就比較大啲藍龍蝦，龍蝦味比濃，海水味比較重的鮮甜度亦都較高。都唔係周圍食到嘅海鮮。我另外就叫咗個牛肉大陣Set,主打係騸牯牛嘅牛舌，金錢展，牛頸脊，牛胸爽，澳洲M4和牛同埋霜降牛肉。騸牯牛食落唔會係入口即溶，不過係我食過咁多種牛之中，最有牛味嘅一種，特別要提一提呢個牛胸爽，雖然睇落好似成塊肥膏咁，但其實係牛胸骨中間軟骨，滾到卷起少少就食得，吃落好脆身，口腔慢慢融化。丸類我就食咗，三星蔥貢丸/薑汁皮蛋貢丸/同埋墨汁墨魚丸。貢丸好彈牙豬肉味香濃，呢兩款嘅貢丸都係爆醬系列，食嘅時間記得小心，唔好辣到嘴~三星蔥呢個蔥味好勁，入面嘅湯汁吸收晒豬肉同蔥嘅味道。好好味。小食就揀咗個即製響鈴，話說可以即食~原來係真㗎，炸到脆卜卜加埋雞醬食，
湯底我就揀咗豬骨味，因為用真正豬骨煲成，所以飲完都唔覺口渴。加少少黑芝麻同鮑魚菌做配菜就已經好夠味。
經理今日話今日返咗藍龍蝦，藍龍蝦個樣同波士頓龍蝦好似，不過睇真少少會見到蝦殼係有層深藍色，食落分別就比較大啲藍龍蝦，龍蝦味比濃，海水味比較重的鮮甜度亦都較高。都唔係周圍食到嘅海鮮。
我另外就叫咗個牛肉大陣Set,主打係騸牯牛嘅牛舌，金錢展，牛頸脊，牛胸爽，澳洲M4和牛同埋霜降牛肉。騸牯牛食落唔會係入口即溶，不過係我食過咁多種牛之中，最有牛味嘅一種，特別要提一提呢個牛胸爽，雖然睇落好似成塊肥膏咁，但其實係牛胸骨中間軟骨，滾到卷起少少就食得，吃落好脆身，口腔慢慢融化。
丸類我就食咗，三星蔥貢丸/薑汁皮蛋貢丸/同埋墨汁墨魚丸。貢丸好彈牙豬肉味香濃，呢兩款嘅貢丸都係爆醬系列，食嘅時間記得小心，唔好辣到嘴~三星蔥呢個蔥味好勁，入面嘅湯汁吸收晒豬肉同蔥嘅味道。好好味。
小食就揀咗個即製響鈴，話說可以即食~原來係真㗎，炸到脆卜卜加埋雞醬食，好似食緊超薄薯片咁。
蒟蒻麵條，最近打邊爐興起嘅食物，因為唔吸油食落比較健康。點少少醬油食就已經足夠，如果想野味啲就可以撈埋辣椒油。
田園菜籃就有蟲草花，金菇黃，芽白全部都好新鮮，一條壞菜都無，喺酒店食嘢果然有質素保証。
是日甜品係柚子蕨餅，味道清新蕨餅，入面食到柚子絲，好似食完個飯之後食咗個生果一樣。
酒店打邊爐價錢竟然同去大排檔打嘅價錢差唔多，如果有小朋友又想打個安全邊爐都可以考慮嚟試吓。
张贴
