事實證明 我真係鍾意小炒多過西餐😝
今日帶埋老豆嚟熟食市場搵食 搵隱世小店😎
通常過嚟北角呢邊 大家都會去渣華道街市
但發現電氣道市政大廈有間小炒更高質 環境更企理！
真係發現得太遲了 老闆介紹原來開咗成20年㗎啦！
去完怪獸大廈打卡過嚟呢邊勁方便～
今次點嘅餸菜蒸炒煮炸都食齊！
❣️椒鹽蝦拼豬頸肉
本身係想叫墨魚餅拼豬頸肉 可惜老闆調咁啱冇墨魚
原來墨魚餅真係自己打 下次一定要食到🫠
不過錯有錯着 椒鹽蝦原來都好正
蝦肉新鮮彈牙 椒鹽勁香口惹味
豬頸香得嚟入口有肉汁 而且份量超多
❣️腐乳蒸雞
雞肉夠晒滑溜 腐乳嘅鹹香滲入雞肉裏面
配合得相當好 唔會過咸過淡 配埋蔥花同薑片更加香口
❣️涼瓜斑腩煲
最鍾意食小炒店嘅原因就係煲仔菜
個煲燒到好紅 上枱嘅時候吱吱聲真係好有感覺
涼瓜翠綠 食落清爽 淡淡嘅苦澀味同豉椒汁好匹配
班腩炸漿上得夠薄身 香口得嚟唔會有油膩感 仲配上厚厚嘅冬菇 更加滋味
❣️海鮮雜菜煲
海鮮份量超級慷慨 鋪滿成個煲面
有老闆親自剝殼嘅大蝦 鮮魷 魚肉 湯頭好清新
雜菜有菜心、小棠菜、西蘭花、椰菜花等 超級豐富
底下啲粉絲吸收晒啲精華 而且浸咗好耐都仲係爽口 一定係靚貨
