潮丸 (已結業)

今晚同BABY 去TST睇戲~~臨睇戲前，當然要醫飽個肚啦～～我地揀左潮丸，勁速食，食完就趕去睇戲！我叫左牛三鮮，BABY 叫左魚三鮮～我地仲叫左D 小食大家一齊SHARE，有炸墨丸、油菜同蘿蔔～牛三鮮—係店內既招牌菜，想講牛爽腩部分好肥美又厚切，肉味濃；而牛筋入味夠腍；牛肚超軟韌，有咬口感！叫左米粉，食落幼細可口。魚三鮮有魚角、魚皮餃、魚蛋，食落爽彈， 魚味亦濃，唔錯！好推介炸墨魚丸， 入面有墨魚粒， 好真材實料～而菜心同蘿蔔都係清清地，又有飽肚感～OVERALL 夠平夠抵，下次會再來！