叁樓火鍋 (已結業)

最近知道尖沙咀開左呢間叁樓火鍋，決定去試下，一入去就見到餐廳裝修，好有復古感 ，而且職員都好好態度好nice，好有耐心咁同我地介紹唔同既食物，對於我地既問題都好有耐性，唔錯！😍🟠湯底湯底有幾款可以選擇，因為可以，當然係揀一邊辣一邊唔辣 ，辣度都可以同職員要求，今次我地揀左麻辣鴨血粒粒蜆鍋同黑松露雜菌素清湯，湯底送上黎既時候，鍋既左右2邊有龍頭裝飾噴煙，打卡效果一流，雜菌湯底非常香，仲有濃濃既菇味，再加埋少少黑松露味，但唔會太搶，幾正，而個麻辣湯底同樣出色，有唔少大大舊既鴨血同蜆，好惹味！🔴小食小食都有唔同幾款可以揀，叫左個冰火涼拌水魷，水魷配上青瓜、辣醬，幾開胃同特別。⚫至尊牛拼盤呢個係店員推薦，一個拼盤可以試到有唔同部位，全部都非常有牛味，份量都岩岩好，入面仲包埋我鍾意既牛舌同牛胸爽添😍🔵丸 & 水餃拼盤估唔到呢個都可以有拼盤，岩哂心大心細想試多幾款既我，款款都夠真材實料，餃子裡面有大大隻餡，而且啲丸夠晒彈牙。🟢蔬菜拼盤食完肉，當然要食返d菜啦梗係🤣🤣睇相都見到各種菜都好新鮮，粟米蕃茄都好鮮甜，滿足🫶