樓下火鍋飯店

营业中

休息中

真材實料邊爐店暨懷舊打風勝地✨ 近年食咁多間打邊爐之中呢間算係最滿意嘅一間，由百分百老香港味嘅裝修到食材新鮮度都好掂，食材款式超多，幾貴都有同時又有好多高CP值嘅款式選擇，豐儉由人呢下啱哂我呢孤寒仔😛然後響火鍋店內最推嘅竟然唔係火鍋料而係刺身😮 響香港唔係度度都有紅肉刺身可以食，有提供嘅大都係啲高級日本餐廳，而呢度竟然有供應之餘仲唔係天價，只係百四蚊就有交易好抵玩✨首先賣相鋪到座冰山咁已經好IGable，入口質感亦非常滑溜，如果驚受唔到生肉嘅可以試下洋蔥絲同特調酸醬汁雙管齊下，個人覺得雖然薄必都好食但如果兩塊夾埋食其肉香同彈牙嘅質感會更加昇華✨當然火鍋料都唔弱的桂花蚌同西班牙豬肉超新鮮，鬼馬蝦膠彈牙感同香脆感並存，牛脷托都唔差係切到太細塊，而且記錯咗牛脷托係牛脷扣😂 ，好想食牛脷扣囉😗而湯底有超過廿款揀，大部分都可以雙拼，不過我地淨係想食台式養生美人鍋，湯底夠滑夠濃香同時又有微微嘅藥材味滲出嚟，而湯入面嘅百頁豆腐索哂湯超腍咬落仲會咇汁添✨既然個湯咁正當然要叫個泡飯食埋佢啦，泡飯同白飯嘅分別係佢再多咗幾款佐料，等啲飯索哂啲湯之後就可以加蔥加蒜加蛋，每粒米飯都索盡湯底精華，直情可以叫佢做美