六喜見 (已結業)

海家漁湯雙丸麵$88 湯底喺餐廳每日去買新鮮魚熬而成。真材實料整嘅係唔同啲，奶白色嘅湯底就知道煲湯熬咗好耐。湯底仲要係冇加味精地鮮味！蝦丸同埋豬丸都係餐廳由原材料自己手打出嚟，整嘅過程冇加粉，完完全全可以食到蝦非常爽口彈牙，豬肉好新鮮同埋有鮮味。餐廳仲會推介喺食碗麵之前飲一啖菊花茶去清一清味蕾。蒜香蠔油草菇$38 草菇食落去唔會有草味，加埋芫荽同埋炸咗嘅銀魚仔碎非常香口。炸銀魚仔配蠔油汁好夾，食草菇都食到陣鮮味。凍樽仔菊花茶+$15 由餐廳自己整嘅菊花茶唔會好甜，加配買材料嘅湯底一齊食好有自家製嘅味道。出街食飯都唔會有負擔。