頭啖湯

营业中

休息中

由細到大好鍾意飲湯，所以成日都想發掘一啲餐廳係有提供真材實料嘅湯底。頭啖湯就係其中一間。頭啖湯位於天后，喺地鐵站出後都要行一段距離先到，位置有點偏僻，但試好野，行遠啲都無問題！當日我叫咗個蟲草花雞湯藥膳米線，湯底和配料極度足料，有蟲草花、雞、紅棗、杞子和菜等等，我另外再加左肥牛同埋竹笙。湯底味濃，絕對唔係味精湯，好味到我飲晒成碗湯底。而其他配料中規中矩，始終呢度嘅賣點係佢嘅湯底。不過由於我夜晚去到，餐廳其實主力係做火鍋生意，會比較忙，我碗米線上枱時其實我嫌個湯底不夠熱，始終飲湯係中意佢嗰種熱騰騰嘅感覺。佢哋嘅湯實在太好味，之後我忍唔住叫咗佢哋嘅燉湯，燉湯係中藥藥材湯，有蟲草花、淮山和杞子等等。燉湯味道清甜，亦十分足料，似屋企煲嘅湯，值得一飲！