R.I.M.K (已結業)

主菜食咗海鮮忌廉汁扁麵配煙三文魚，同埋黑松露野菌意大利飯，味道唔錯用料足，唔係叮叮貨色。跟餐加1蚊（即係49蚊）可以連埋芝士蛋糕放題，真心有驚喜！除咗芝士蛋糕，仲有法式朱古力同伯爵茶蛋糕。每款蛋糕都味道唔錯，而且擺盤有心思，係按味道淡到濃圍圈擺，唔會搶味，亦唔會一開始就食太多忌廉滯咗，編排得幾有心思！本身蛋糕一件都淨係32蚊，唔算貴，就算完咗呢個放題都會想再翻兜。