海南少爺 (已結業)

落雨天梗係留返嚟室內shopping！濕平到攰，見呢間海南少爺座位幾舒服，又有落地海景，一於入去抖下！🍲馬水西亞肉骨茶以砂鍋原煲加熱咁上，熱辣辣，風味十足。我揀咗排骨、豬肚，另外仲有響鈴、豆卜、油條、炸魚皮同炸支竹可以自己放落去慢慢煮，吸哂啲精華不得了。藥材湯渣亦不少，可見係真材實料，點埋甜豉油夠哂惹味。🍲迷你經典滷水滷水甜甜地，唔會太咸，尤其欣賞個花生雞腳，好淋身又爽口，豬手就Q彈彈牙，蛋蛋亦啱啱好唔好過熟。🍲雞雜撈麵雞雜有雞肝、雞腸和雞腎，味道鮮活跳脫；麵條沾以醬油吃，好滋味！🍲熱帶雨林酸酸甜甜嘅解渴特飲，一解頭先濃味食物嘅厚重感。🍲海燕窩燉椰皇幾近透明嘅清澈汁水散發淡雅清甜嘅椰子果香，顏色純白嘅椰肉尤如牛奶布丁般柔軟嫩滑。具有滋潤清熱、益氣生津之功效，食完好舒服，好適合夏天食！總結，座位舒適，真材實料，值得一試！