影片
更多
2023-12-07
33 浏览
難得早放工，可以慢慢食個晚餐至返屋企，所以約咗朋友一齊去打邊爐。餐廳走古典宮廷風，冇諗過連個邊爐鍋既鍋耳竟然係龍頭，特別有霸氣。我地揀咗龍躉片木瓜魚湯，個鍋一嚟到就有種仙氣繚繞既感覺，吸睛得嚟又好夢幻！木瓜原個上，上面放滿龍躉片。湯底係自家熬製，完全冇味精，飲落特別清甜。飲完湯就食肉啦！首先食牛肉拼盤(細)，包括牛柳粒、雪花牛、牛舌、黃喉、牛𦟌、安格斯一次高滿足哂唔同願望。而且樣樣都高質，食落又juicy，唔錯！除咗牛肉，打邊爐亦唔少得豬肉，我地點咗伊比利亞橡果豬，肉味非常濃郁，唔點醬汁都好好食。櫻花蝦豬肉丸上面放咗幾隻櫻花蝦作點綴，肉丸咬落爽滑，亦帶有鹹香。澳洲帶子片一共八塊，每塊都幾厚身，入口鮮甜。雜菜拼盤份量非常大方，而且選擇頗多，個人最鍾意食粟米，好甜好新鮮。甜品係雪耳木瓜湯水，滋潤又養生，好啱呢個天氣食。飲品係竹蔗茅根，清清甜甜好降火，打邊爐成日都會飲～
餐廳走古典宮廷風，冇諗過連個邊爐鍋既鍋耳竟然係龍頭，特別有霸氣。
我地揀咗龍躉片木瓜魚湯，個鍋一嚟到就有種仙氣繚繞既感覺，吸睛得嚟又好夢幻！
木瓜原個上，上面放滿龍躉片。
湯底係自家熬製，完全冇味精，飲落特別清甜。
飲完湯就食肉啦！首先食牛肉拼盤(細)，包括牛柳粒、雪花牛、牛舌、黃喉、牛𦟌、安格斯一次高滿足哂唔同願望。而且樣樣都高質，食落又juicy，唔錯！
除咗牛肉，打邊爐亦唔少得豬肉，我地點咗伊比利亞橡果豬，肉味非常濃郁，唔點醬汁都好好食。
櫻花蝦豬肉丸上面放咗幾隻櫻花蝦作點綴，肉丸咬落爽滑，亦帶有鹹香。
澳洲帶子片一共八塊，每塊都幾厚身，入口鮮甜。雜菜拼盤
份量非常大方，而且選擇頗多，個人最鍾意食粟米，好甜好新鮮。
甜品係雪耳木瓜湯水，滋潤又養生，好啱呢個天氣食。
飲品係竹蔗茅根，清清甜甜好降火，打邊爐成日都會飲～
张贴
