打開餐牌都有好多款嘢食，不過我哋主要目的都係食牛肉麵，我同我女朋友每人叫咗一碗半筋半牛肉
我哋都係一致好評，牛肉入口軟林，牛筋q彈，湯底濃郁，濃濃嘅藥材味，比起台灣係真係有啲唔同，因為台灣食完都係成口味精同埋好頸渴，呢度個湯底真係冇得輸，食完先知我原來用咗成50斤牛骨去煲。
之後叫咗個夜市必吃雞軟骨，又係好正，唔同香港嗰啲雞軟骨，真係台灣直送，唔食呢個必定會後悔。
跟住叫咗個椒鹽魷魚鬚，正正常常，好味
跟住叫咗兩杯黑糖珍珠鮮奶，真係好飲，佢唔會好甜，但係又好夠味，珍珠好in un ，奶靚，一致好評，冇推介錯。
