永樂餃子店 (已搬遷) 新店位置

呢間上環禧利街既餃子店其實小編路經多次但一直未有特別想去嘗試，直至有次朋友話佢呢間啲餃子🥟好大隻好好味，個湯仲要係可以飲因為用花膠滙山豬骨湯煲架🤩【 雙拼餃子：鮮肉粟米餃 拼 鮮肉紫菜餃 】$52每隻餃子真係熱辣辣大大隻，鮮肉粟米餃粟米好甜，好好咬口！而個鮮肉紫菜餃既紫菜真係好香好出色！個湯都好甜！應該都唔少骨膠原❤️小編心諗早點試過就一早享受到呢個美食，畀佢門口唔吸引既圖片呃左我😂應該一早就要食佢啦咁好味！