NUTTEA (葵涌廣場) (已結業)

葵廣最出名就係掃街，呢日我哋食咗個豐富brunch，所以就諗住下午茶食少少野再食晚餐。到達葵廣第一間就飲咗 #NUTTEA ，第二次飲伯爵茶榛子奶蓋，跟住佢嘅4⃣️部曲咁飲，奶蓋有好濃烈嘅榛子味道，口感非常豐富，配搭伯爵茶非常之夾。另外再試咗一杯紅豆綠茶奶蓋，呢杯係有驚喜，估唔到紅豆同綠茶可以咁夾，呢個已經混合左粒粒嘅紅豆，好有咬口。飲完NUTTEA已經感覺好飽肚，就咁食多少少嘢已經夠晒我哋做下午茶，證明真係好真材實料。