麻辣麵館

营业中

休息中

在旺角搵食，見到呢間專食四川菜的麻辣麵館，食物相片好吸引，故即時進入開餐囉。天氣忽然又凉左，就點碗滋補藥膳雞湯麵🍜，飲啖湯先，藥材味香濃，很滋潤好適合呢個天時飲用，有嫩滑的雞肉，再加料要了軟淋魚腐，有咀嚼感的魚蛋同爽脆嘅脆魚片，幼麵的質感爽彈，食材新鮮食得好滿足啊。蒜香手拍青瓜，跟餐送的小食，新鮮爽口，開胃前菜。老友都要碗滋補藥膳雞湯麵🍜，大家都要滋補一下，加料要了有彈性的墨魚餅同牛筋丸，新鮮娃娃菜，佢話湯鮮甜的，藥材煲到好淋，我哋都差唔多飲晒佢。酸辣木耳，亦是跟餐送的小食，帶點麻辣。老麻炒手，麻中帶辣，一碗有15粒，好抵食之余亦好味。炸串點番2串先，雞翼串，雞翼皮燒得香脆，咬開有肉汁，帶點辣更惹味。茄子🍆，軟淋好吃。飲品要了冇糖可樂同烏龍茶🤓。