休閒茶座 (已結業)

同女友喺單車公園踩完車，身水身汗咁行返過富安，一眼就見倒“休閒茶座”呢 4 隻字，對於當時疲累不堪嘅我地，真係非常吸引。入到去舖頭，擾嚷左一陣就坐左喺向住停車場嘅邊位。舖頭唔係好大，但座位尚算舒服，坐喺邊位更有陣陣涼風，既舒適又寫意。“好味下午茶餐”有 A - N 咁多款，我揀左 M : 炸脾沙律，女友則要 E : 奶醬脆豬包奶醬豬先上，很大的豬仔包開了邊，上面塗滿奶醬。一啖咬下去，非常爽脆，奶味濃郁，花生醬香滑，正 , 不過個包稍稍燶左少少, 好似好熱氣 至於我份雞脾沙律，份量都 ok, 沙律係正宗茶餐廳雜果沙律，雞脾炸得普普通通，唔算好乾不過有 d "鞋".坐喺度咬住雞脾，嘆啖奶茶，望住出面街人來人往，真係倍感休閒囉