鮨夢 (已結業)

鮨夢在灣仔静中帶旺既地段，設計好有日本風格！同出面既環境形成對比，午食menu有10款，每款 set lunch都有前菜，湯，茶碗蒸蛋好嫩滑又夠熱，滑滑既蛋內層有蟹柳，秋葵，口感非常滑溜，好水嫩，材料簡單但做到高質效果！沙律醬汁鮮明開胃，酸酸地胃口大增，為我order既特上魚生飯don做到準備。當天既seasonal款式為深海池魚， 鰤魚，吞拿魚，櫻花蝦， 牡丹蝦，米籽don飯！櫻花蝦炸左既就食得多，刺身款就第一次食！感覺鮮味，幾有層次！牡丹蝦大大隻幾厚肉，質量非常好，膠質感幾重，都係鮮味又新鮮。池魚肉質鮮嫩肥美，脂厚油香，入口魚油甘香細膩，刺身能帶出池魚令人齒頰留香的油分令人非常難忘！鰤魚入口滑溜柔軟，油潤 得來很有嚼頭 ，還帶濃 郁鮮甜的魚味，一陣化開 的油分及甘味在舌尖散 開 。Don飯醋既味道幾好，軟軟糯糯，好易入口！最後仲有綠茶味雪糕，茶味好香唔苦澀，作為一個 perfect ending, 店員服務細心nice, 值得一讚！