聚點 (已結業)

睇真啲個餐牌, 原來星期六、日及公眾假期係平啲嘅(餐飲唔使另外加錢)。其實冇諗過嚟呢度食, 不過行過附近都冇乜嘢好食、抵食, 望下望下就入咗去呢間。我叫咗個<豬肉片併鯇魚腩配湯河>, 出奇地好好味喎。 我諗主要係個湯, 應該係無添加嘅魚湯, 鮮甜美味。胃痛唔敢食飯, 所以食河粉, 河粉亦都唔錯。魚腩新鮮好味; 豬肉片並非豬肉片, 而是豬頸肉, 豬頸肉我麻麻哋, 不過算啦, 希望下次佢哋會畀真正嘅豬肉片我啦。<招牌雞飯> 唔記得咗係咩雞, 因為佢有幾種雞選擇, 印像中有鹽焗雞、豉油雞之類啦。 個雞本身有調味, 就算唔掂薑蔥, 都已經好夠味(夠鹹)。兩樣嘢都盡量充足, 食得夠飽。熱奶茶及凍檸茶,都合格、好飲。