譽麵坊

营业中

休息中

譽麵坊對我嚟講係尋找回憶嘅餐廳，中學時期晏晝一個禮拜可能會食兩次嘅米線十幾年之後今日再食返，真心覺得冇以前咁好食，但係食嘅係回憶坐低唔使諗一定係食南乳雞球米線，但係一咬個雞球就已經覺得有啲失望，因為雞球炸到好乾，咬都有困難，唔知係因為炸好曬跟住再返炸，定係炸得太耐，質感真係唔係太好，好硬，味道係ok嘅，不過略嫌好似味精多咗少少，唔知係個南乳醬定係個雞球嘅問題，因為食完之後一直都覺得非常之口渴，以前唔會咁樣不過算啦回憶總係美好嘅，食完出嚟見到門口好多人排隊，但係我今次之後應該真係唔會再返去食喇 。。。