真心泰國菜館 (已結業)

今日同老公趁有聖誕節大減價，去朗豪坊血拼，完全進入忘我境界，直到個肚發出咕咕聲，先發覺我倆還未進食午餐，但看一看手錶，已經係下午三點三，係下午茶時段，突然想起朗豪坊隔離既朗晴坊有好多餐廳選擇，即刻快步前往。 到了朗晴坊， 從眾多水牌中，看到2樓的真心泰國菜館，老公最愛泰菜，二話不說，即刻搭前往。無論門口裝飾，菜館內既裝潢，完全進入泰國風情，有禮侍應引領入坐，我倆由於太肚餓，不消一分鐘，巳揀選好食物。泰式豬頸肉炒公仔麵($38)，豬頸肉香口又惹味，配合公仔麵，吃得有快感。炒貴刁($38)，酸酸甜甜，而且配料蝦仁絕不吝嗇，有4隻多，又爽口， 灑上花生碎及擠上青檸汁，非常醒胃。泰式刺身蝦($95)，爽脆夠凍又美味，配合蘸生蝦既醬汁，蒜片，食到舔舔脷蝦醬炒通菜($75)，通菜鮮嫩少渣，蝦醬同通菜係絕配，味道濃郁誘人。下午茶套餐有飲品附送，只需加少許錢就可有特色飲品，我要泰式椰汁(+$2)，老公要青檸梳打(+$5)，仲有甜品送贈(嘻嘻……唔記得影相)下午茶時段無需加一，真係平靚正。。