燒肉LIKE (新城市廣場一期)

营业中

休息中

話說行開新城市見到呢間燒肉店好多人排隊，一路都好想試，上個星期已經用app拎定飛諗住返晏之前去食午餐，點知我地十二點撳飛，到一點都未有得食。只好放棄。今個星期我地繼續努力，十一點半撳定飛。結果同預期一樣。一點就有得食，大家可以參考下。今日我地一行三人點左兩個餐同兩份豬。因為有一位朋友係唔食牛嘅。我地叫咗頂級享受同No.1之選，另外單點豬頸肉同五花腩肉份量可以話非常之多。另外我地三位都有點到飲品。牛肉好有牛味。而且肥瘦適中，燒完配白飯入口即溶非常好食。豬肉亦都出色。不過略嫌個爐細咗啲啲。最後三個人食到捧住個肚走都只係320蚊。我會再幫襯呢間燒肉店。