真心泰國菜館 (已結業)

有次旺角行下街想食泰國嘢，就上咗去朗晴坊上邊嘅一間泰國餐館度食，因為有朋友講過話呢間餐館裏面嘅都有部份泰國人，所以食嘅泰國菜都有返咁上下，入到去之後見到個裝修環境好靚，好吸引，坐低左之後Menu上有過百款餸菜俾你選擇，樣樣都好想食，最終我哋就揀咗一個辣椒膏炒飯，一個泰式炸軟殼蟹，泰式鹽燒魚，就呢三個餸我哋兩個人食，先講下佢辣椒膏炒飯，因為佢係第一個送到枱上的，一嚟到已經聞到好香，入口非常之咁好味，二想不到辣椒膏炒飯都唔會話係辣，反而係比較香口惹味，另外仲有少少配菜半碟，擺盤都好靚，呢個炒飯值得推介，因為真係好開胃會令到你胃口好好，然後就係泰式炸軟殼蟹，你都就有少少似避風塘軟殼蟹咁，但係佢唔係避風塘味，係啲泰式香料味，不過略嫌軟殼蟹唔夠多肉，可能唔係季節吧，不過整體都OK，最後一樣就係泰式鹽燒魚，呢款餸需要提前叫定，因為佢哋製作需要25分鐘，所以我哋一坐低已經睇中左呢個鹽燒魚走已經叫咗先，然後再慢慢選擇其他食物，條魚燒得好香，大大條，魚皮燒到脆卜卜不過正常呢啲鹽燒魚通常都係唔會食魚皮，只會食裏面嘅魚肉，所以魚肉滑溜溜，魚肉亦都好香泰國奄料味，因為佢哋係條魚個肚裏面塞滿左好多泰國香料去燒，