港久新街 (已結業)

依一間雖然屬於大排檔，但係都坐得幾舒服，而且嘢食都幾好食，佢6點後仲有得用$10買一隻蒜蓉燒生蠔，蒜香非常充足，好惹味，可惜每人最多叫兩隻。我仲另外叫左蒜香燒元貝($38)，都係好香好味，但價錢會貴翻少少。另外叫咗一碟原隻火箭魷($98)同豉蒜蒸大鱔($168)。魷魚比較辣。而大鱔好大份，而且肉質彈牙，非常之推介。最後，我仲叫左一份蒜蓉菜心($68)，好大碟，蒜蓉都落得好夠。飲品就叫左熱菜蜜，暖暖地，舒服。