影片
更多
2016-09-18
1761 浏览
中秋節臨近, 與一位小學同學相約小學班主任做節聚舊下,搵地方食飯都係一個難題, 班主任住係佐敦附近, 正確係柯士甸站附近,其實真係好少去個邊, 好在班主任介紹下, 預約左一間小菜館。中意食飯前睇定有乜食, 見到網評又唔差, 而且係食雞煲喎 !放工就馬上趕去啦 ! 建議大家唔好我咁...係佐敦出左, 網上有寫係柯士甸站較近,但唔經西鐵所以係佐敦站出左, 所以行得較遠。原來小菜館附近有好多食肆, (不禁講句: 自已好大鄉里), 住係九龍都唔知呢度咁多野食,三喜好易搵, 入到去時, 班主任已經到左 !! 大家傾左一陣就要點菜啦 !班主任原來成日黎食, 佢話同佢老公無煮飯都會去, 所以佢等我地發板~見到網上好多人食雞煲, 當然想試下, 雞煲有幾種, 最後揀左九尾雞煲(半隻), 入面有些藥材好滋補下,我就揀左桂花陳皮話梅骨, 小學同學就叫左招牌海味小炒王。雞煲先上, 好香既藥材味, 雞肉算嫩, 其實好似火鍋可以加好多材料, 所以我地都加了生菜同響鈴,生菜沾上雞煲的湯, 汲收晒佢既湯汁, 好夾的味道, 響鈴有好多件, 每人都有2-3件, 但唔算最脆。希望下次再試下其他雞煲啦 !桂花陳皮話梅骨.連埋
搵地方食飯都係一個難題, 班主任住係佐敦附近, 正確係柯士甸站附近,
其實真係好少去個邊, 好在班主任介紹下, 預約左一間小菜館。
中意食飯前睇定有乜食, 見到網評又唔差, 而且係食雞煲喎 !
放工就馬上趕去啦 ! 建議大家唔好我咁...係佐敦出左, 網上有寫係柯士甸站較近,但唔經西鐵所以係佐敦站出左, 所以行得較遠。
原來小菜館附近有好多食肆, (不禁講句: 自已好大鄉里), 住係九龍都唔知呢度咁多野食,
三喜好易搵, 入到去時, 班主任已經到左 !! 大家傾左一陣就要點菜啦 !
班主任原來成日黎食, 佢話同佢老公無煮飯都會去, 所以佢等我地發板~見到網上好多人食雞煲, 當然想試下, 雞煲有幾種, 最後揀左九尾雞煲(半隻), 入面有些藥材好滋補下,
我就揀左桂花陳皮話梅骨, 小學同學就叫左招牌海味小炒王。
雞煲先上, 好香既藥材味, 雞肉算嫩, 其實好似火鍋可以加好多材料, 所以我地都加了生菜同響鈴,
生菜沾上雞煲的湯, 汲收晒佢既湯汁, 好夾的味道, 響鈴有好多件, 每人都有2-3件, 但唔算最脆。
希望下次再試下其他雞煲啦 !
桂花陳皮話梅骨.連埋飯一齊食係一流呀 ! 排骨每件好大, 啖啖肉, 唔會覺得好油膩, 仲有3粒話梅比你食埋喎
招牌海味小炒王炒得好香, 入面真係好多海味 (魚乾仔, 魷魚粒, 大蝦干, 腰果, 菜脯..), 唔會太鹹, 十分易入口,
魚乾仔仲保持好脆口, 送飯又係一絕。
雖然唔知呢間店開左幾耐, 地方唔算好大, 但好清潔。眼見好多食客同職好熟, 職員又好快手換碟, 加水, 雞煲加湯,難怪班主任都成日黎啦 ! 職員亦會同食客打牙較, 應該好熟下 ! 最搞笑係我後面個枱, 食食下忽然走晒,
我望到成枱都係食物喎 ! 職員見我好驚訝的樣, 做個手勢比我睇 (原來係出去外面食煙),
相信只有這種小菜館先會比食客可以咁 ^^
今餐同班主任食下, 傾下咁又坐左好耐, 好盡興, 坐幾耐都唔怕有人趕, 太好啦 !! 約定新年會去拜年呀 !!
张贴
