真心泰國菜館 (已結業)

旺角實在太多美食，今日就黎到呢間係朗晴坊，由泰國人開既泰國餐廳試下。🥢泰式冬陰功湯河呢到既冬陰功唔係好辣，岩晒一啲唔食得辣既朋友仔。湯底飲落酸酸甜甜又帶點辣，仲有蝦既鮮味，食到好開胃，令人好想一直飲晒啲湯。而河粉食落都ok正常口感。🥢泰式炒貴刁炒得濕度剛剛好，唔會太濕，金邊粉食落都彈牙，口感唔錯。而味道方面，可能我落咗好多青檸汁，就偏酸咗小小，但都好食唔錯。🥢泰式炸蝦餅蝦餅炸得夠脆，而入面唔會好鬆散，配埋甜酸醬食，不錯。