Home A Day (已搬遷) 新店位置

今日岩岩收工，就約左閨蜜去上環等佢收工去食晚餐，比我地發現左呢間餐廳，裝修都好優雅，服務員熱情既招待好快就入去坐。首先我地點左個韓式泡菜安格斯牛肉炒意粉，呢個有泡菜味bb辣，容易入口，意粉非常彈牙，口感一流。安格斯牛肉肥瘦分佈平均。入口即溶，味道非常好。跟住再叫多個蝦頭油櫻花蝦海鮮粒炒飯，呢個蝦超大隻，而且好新鮮彈牙。帶子份量又十分多，落足料去炒。櫻花蝦味既炒飯第一次食，真係配合得天衣無縫，世界級享受。跟住飲品方面就選左粉粉櫻花椰香鮮奶特飲熱飲，呢個賣相已經吸引死人，好靚既心形🧡都唔捨得飲，要慢慢欣賞一番。飲落去重有驚喜，呢道既飲品係唔會加糖精，佢既甜度適中係從椰子個道出黎。真係真材實料有保證。另一杯係士多啤梨鮮奶沙冰特飲，呢個係用左9粒士多啤梨黎整出黎，都係完全唔落糖精，甜度岩岩好，大大杯，份量十足，真係好滿足，真心好飲。呢道早餐外賣自取都有折，如果早上可以食到飲到，全日都好精神開工。真心好味。一定會再黎幫襯。