廚十三老壇酸菜魚 (太子集團中心) (已結業)

一直都搵緊一間好味嘅酸菜魚，今晚就決定咗去廚十三酸菜魚。試下佢嘅酸菜魚！一間廚十三酸菜魚喺尖沙咀，好近站， 好方便，好容易搵到。呢一間嘅環境非常之唔錯，好闊落，坐得好舒服。餐牌點會少得有酸菜魚，同埋各種嘅小食呢。每一台嘅客人都會有一支茶 ，呢個茶好濃味， 好好味又能夠解辣！我同朋友一齊飲咗兩大枝茶，飲完又飲，真係好中意呢度嘅茶，茶香味濃。嚟到呢度點少得叫盤主打嘅酸菜魚呢， 叫咗小辣 ，小辣對於我嚟講啱啱好！酸菜魚嘅份量一啲都唔少， 下面就有好多嘅涼皮同埋萵筍， 呢啲魚片勁滑， 又冇骨，啖啖肉 ，配埋兩皮食 ，酸酸辣辣好過癮！叫咗一碟手拍青瓜，辣辣地， 好滋味。呢一碟係酥炸雞翼，為咗方便客人食用 ，全部都係單邊嘅，咁咬嘅時候就會比較方便啦！ 呢個雞翼真係炸得好香脆 ，又醃得入味 ，如果想有另一種風味嘅話 ，就可以點佢附送嘅麻辣粉 ，滋味升級！