牡蠣酒場 (已結業)

首先我哋2個人叫咗6隻生蠔，每隻$98，侍應連次序都講錯，搞到第一隻蠔就食咗隻重海水味，之後食嗰兩隻變咗完全無味！重點係差不多$600六隻蠔，食完返屋企痾水！真係接受唔到比成$100隻蠔要配喇叭牌🙄到個醃帆立貝薄切，好奇怪地生又唔生，熟又唔熟，完全無帆立貝嘅味道！🫣全晚可以話係最好食嘅係燒明太子，因為只係將佢燒熟🫠所以食完頭兩道菜已經完全無意欲影相！難得過咗疫情可以出嚟食晚飯，終於明白點解星期五即日訂枱仲有位！