餐廳環境都麻麻地，但係九龍城可能都算正常。衛生質素，亦唔算幾好。
叫左泰北木瓜沙律同冬蔭功河粉呢兩樣嘢。之前冇聽過泰北木瓜沙律想試吓，原來係用到鹹蟹、臭魚汁佐青木瓜絲，味道幾「新奇」，每個人口味偏好唔同，未試過就謹慎根據自己口味選擇喇。不作其他comment。
冬蔭功河粉，真正令人失望。坐定後揀餸嗰陣，見到豬/牛等選項，心中便有d不安。之後發現果然真正「美國式」，蔬菜選擇、醬汁質地同調味，完全不似香港間泰國餐廳應有質素。味道都不算好，醬料味完全搭唔到底下嘅河粉，除咗好重嘅椰漿味，冇食到乜冬蔭功味道，仲差過美國嗰啲嘢。
仲有，餐牌冇寫明有加一，落座時亦都冇俾人水飲，最後埋單嗰陣先話有加一，唔知係唔係呢區特色，令到人有少少困惑…
睇到後面好多條review，都係隔離嘅泰式燒王，唔係呢一間喇。總之唔會再幫襯，試過先知日日係西環捱嘅茶餐廳同埋M記都係「人間美食」…
