心裡有素 (已結業)

前幾日約咗個朋友夜晚食dinner，朋友話上星期食咗幾餐打邊爐唔想食咁多肉，上網搵吓旺角有咩素食嘅餐廳先，見到有間餐廳而家做素食dinner buffet都幾多人👍🏻，就膽粗粗行過去問下有冇位，好彩我哋早去仲有位，一入到去餐廳已經座無虛席，咁我哋梗係行一個圈睇吓有咩好食嘅嘢啦，一入去見到有個炸物區，唔使諗即刻夾返幾件試吓🤣估唔到佢嘅炸既天婦羅真係好出色，跟住同埋佢嘅准山咕嚕肉都好正，仲有第一次試嘅炸腸粉👍🏻佢嘅款式係流水式咁出，每款唔會出太多，冇晒就轉另一款，跟住我哋仲買咗張卡可以食焦糖布甸，真心好食過出邊嘅甜品舖👍🏻👍🏻👍🏻我仲見到隔籬枱食咗勁多轉牛油果，如果鍾意食牛油果嘅朋友真係可以去試吓，仲要任食🤣