係尖沙咀返工，行過見到有間新開既放題，見open rice 食評好好，二話不說即刻約朋友去試下，分三段時間，5:30-7:30pm ，7:45-9:45pm，10:00-12:00am ，一律$328 ，我地book 左7:45pm 個段期間，去到門口出面都有6-7人排隊等入去，本身好期待想食，食評相以為全部都係坐鐵板枱，廚師會係你面前燒比你，點知去到原來係得一邊有呢D位，其他位置同一般放題冇乜分別，呢個已經令我好失望
之後睇下D點單紙，發覺款式選擇唔多，侍應同我地講第一輪刺身唔使點住，佢哋會有一盤俾我哋食先，好快就送左黎，刺身拼盤冇冰底，已經覺得有小小感覺唔係幾好，之後未order 已經送左個燒鰻魚同燒扇貝來，可能係送錯枱，不過我地照食，但D野食全部凍既
，好難食！之後其他野食好快就送曬黎，完全冇位放，但侍應都照放落黎，我地幾乎係要拎住D碟先食到。
講返D牛，真係超級差，好鞋，而且仲有D水出，可能解凍後既水，一D牛味都冇
其他野食樣樣都好大件，我地好似食左半個鐘已經整飽曬，我見隔離枱d 牛粒都放晒喺度冇食，見其他客人食左1個鐘島已經停曬手，最好食就係雪糕，因為係Haagen-Dazs ，其他食物真心難食，今次真係中伏$360/person 我都係食返其他放題都冇咁嬲🙈🙈
