真‧章魚無雙 (已搬遷) 新店位置

葵涌廣場嘅小食店開到成行成市，講真好多間都普普通通，冇乜水準。唯獨呢一間章魚丸專門店我覺得係水準一直都保持到，至少食過三四次都仲係好好味。今次點左個明太子章魚燒，即點即整，大概等左10分鐘，因為都幾多人排隊，點左六粒裝， 30元正。講真呢個價錢我覺得中規中矩，未係好平，又唔算太貴。章魚丸燒到外脆內軟林，中間有隻八爪魚。最好味係佢嘅明太子醬，絕對唔少了，大方地淋滿明太子醬。明太子鹹鹹地咁，而且粒粒有口感，配上章魚丸一齊食真係人間極品！