上海婆婆 (新都城中心) (已結業)

今日同老婆去食晏，點了呢度食評讚好鍋貼、仲有排骨麵、春卷同皮旦豆腐，首先講個鍋貼，一客3隻，大大隻，漲仆仆，已經覺得唔對路，好似日本餃子咁，食落去皮好厚，有湯但唔係鮮甜肉汁，舊肉就完全冇味道，簡直不知所謂，我覺得金滬庭真係好食過佢好多呀！我隔離個男人都係話唔好食。排骨麵就過得去啦！同詠黎園就冇得比o架喇；春卷可以不試，非常普通；皮旦豆腐豆腐唔夠滑，皮旦一般，個汁就得個鹹字，建議大家如果想食正皮旦豆腐就一定要去時代廣場小南國啦！包你話正。仲有呢度坐二人位好迫，同隔離好近，所以講勁唔方便，好容易畀人聽到晒，所以隔離個男人話唔好食都聽得好清楚。